Շարունակելով դասը, կխոսենք կոմպոզիցիայի տեխնիկաներից, որոնցից առաջինը երեքի բաժանման կանոնն է։

1. The Rule of Thirds

The Rule of Thirds կամ երեքի բաժանման կանոնը տեսողական կոմպոզիցիայի հիմնական սկզբունքներից է, որը հաճախ կիրառվում է լուսանկարչության, դիզայնի և արվեստի մեջ:

Այն 3x3 ցանցն է, որը կազմված է երկու հորիզոնական և երկու ուղղահայաց գծերից: Գաղափարն այն է, որ դիզայնի հիմնական էլեմենտները տեղադրվեն այդ գծերի երկայնքով, կամ դրանց հատման կետերում: Սա ստեղծում է հավասարակշռություն և հետաքրքրություն՝ կանխելով դիզայնի չափազանց ստատիկ, կամ կենտրոնացված լինելը:

Օրինակ՝ լուսանկարում, օբյեկտը կենտրոնից մի փոքր հեռու տեղադրելը կարող է այն ավելի դինամիկ և տեսողական գրավիչ դարձնել: Այս կանոնը օգնում է դիտողի հայացքն ուղղել դեպի կենտրոնական կետեր՝ միևնույն ժամանակ պահպանելով ներդաշնակություն: Այս սկզբունքը հատկապես օգտակար է դինամիկ, կամ շարժման վրա հիմնված կոմպոզիցիաների համար:

Երեքի բաժանման կանոնին հետևելով դուք կարող եք ապահովել, որ դիզայնի էլեմենտները տեսողական հավասարակշռված լինեն: Դա բազմակողմանի կանոն է, որը կարելի է կիրառել գրեթե ցանկացած դիզայնում: Այնուամենայնիվ կարևոր է իմանալ, թե երբ կարելի է այն խախտել ավելի ազդեցիկ դիզայն ստանալու համար:

2. The Golden Ratio

Հաջորդ տեխնիկան The Golden Ratio-ն է (Ոսկե կանոն), այն մաթեմատիկական բանաձև է, որը ստեղծում է հաճելի համաչափություն, որոնք հաճախ հանդիպում են բնության, ճարտարապետության և արվեստի մեջ: Այն հիմնված է 1.618 թվի վրա, որը ստացվում է Ֆիբոնաչիի հաջորդականությունից:

Դիզայներներն օգտագործում են այս հարաբերակցությունը, որ ստեղծեն հավասարակշռված կոմպոզիցիաներ, որտեղ ամեն ինչ իր տեղում է և ներդաշնակ տեսք ունի։ Golden Ratio-ն կարելի է կիրառել դասավորություններում, լոգոների նախագծման մեջ ու այլ կոմպոզիցիոն աշխատանքներում՝ օգնելով, որ դիզայնը լինի հավասարակշռված և աչքին հաճելի։

Օրինակ՝ The Golden Ratio-ն կիրառվել է աշխարհի ամենահայտնի արվեստի գործերում, որպես օրինակ՝ Աթենքի Պարթենոնում, այն թույլ է տալիս ստեղծել օրգանիկ զգացողություն՝ միաժամանակ պահպանելով կառուցվածքը:

Ինչպես երեքի բաժանման կանոնը, սա ևս ուղեցույց է, որը կարող է դիզայներներին օգնել ստեղծել ավելի հավասարակշռված և լավ կոմպոզիցիա ունեցող աշխատանք:

3. Grids & Layouts

Grid-ը, կամ ցանցը նույնպես դիզայնում կարևոր տեխնիկա է, որը ապահովում է կառուցվածք և դասավորություն:

Grid-ը կմախք է, որը բաժանում է էջը սյունակների և շարքերի՝ օգնելով դիզայներին տեղադրել էլեմենտները և պահպանել համաչափություններ: Դասավորությունների ժամանակ օգտագործում ենք grid-ը որպես ուղեցույց՝ բովանդակությունը կազմակերպելու համար այնպես, որ այն լինի տեսողական գրավիչ և գործնական:

Անկախ նրանից՝ նախագծում եք կայք, ամսագիր թե պաստառ, ցանցի օգտագործումը երաշխավորում է, որ ձեր բովանդակությունն ունի լավ կազմակերպվածություն և հեշտ կիրառվող է:

Կան grid-երի տարբեր տեսակներ, ինչպիսիք են սիմետրիկ, ասիմետրիկ և մոդուլային, որոնք ծառայում են տարբեր նպատակների: Grid-երը օգնում են դիզայներին կենտրոնանալ ստեղծագործության վրա՝ միաժամանակ ապահովելով, որ իրենց աշխատանքը մնա համահունչ և ընթեռնելի:

Grid-երը բազմաթիվ գրաֆիկ դիզայներների նախագծերի հիմքն են։ Դասավորությունը կարող է լինել նաև դինամիկ՝ մնալով Grid-ային համակարգի սահմաններում:

4. Whitespace

Դատարկ տարածությունը, կամ բաց տարածությունը դիզայնի մեջ էլեմենտների շուրջ և միջև գտնվող ազատ տարածությունն է: Դա կարող է զգալի ազդեցություն ունենալ կոմպոզիցիայի արդյունավետության վրա: Հաճախ քիչ գնահատված դատարկ տարածությունն օգնում է դիզայնին «շնչել»՝ ապահովելով տեսողական հանգստություն և հավասարակշռություն:

Դատարկ տարածության ճիշտ օգտագործումը կարող է նաև ուղղորդել դիտողի հայացքը՝ ուշադրություն հրավիրելով հիմնական էլեմենտների վրա և ստեղծելով աչքերի շարժ:

Հատկապես մինիմալիստական դիզայնում դատարկ տարածքը շատ կարևոր դեր ունի՝ օգնում է դիզայնը դարձնել պարզ և մաքուր։ Երբ տեքստերի, նկարների և մյուս էլեմենտների միջև բավականաչափ օդ կա, դիզայնը դառնում է ավելի հասկանալի և հաճելի։

Դատարկ տարածքը պարզապես դատարկություն չէ, այն օգնում է ուշադրությունը բերել ամենակարևորի վրա։ Լավ օգտագործված դատարկ տարածքը դիզայնին տալիս է թարմություն և հավասարակշռություն։

5. Flow & Movement

Կարևոր տեխնիկա է նաև աչքի շարժումն և հոսքը, սրանք շատ կարևոր գաղափարներ են, որոնք օգնում են ստեղծել սահուն և հաճելի տեսողական փորձ:

Շարժումը կապված է այն բանի հետ, թե ինչպես է մեր հայացքը շրջում դիզայնի մեջ, իսկ հոսքը՝ այն ուղին է, որով մենք անցնում ենք այդ ճանապարհը:

Դիզայներները տարբեր էլեմենտներ ճիշտ ձևով տեղադրելով, ստեղծում են սահուն հոսք հայացքի համար, որը բնական ձևով կանցնի մի կետից մյուսը: Դրան հասնում են գծերի, ձևերի, գույների ու բովանդակության տեղադրման միջոցով:

Շարժումը նաև օգնում է կարևորել դիզայնի գլխավոր էլեմենտները, այնպես որ դրանք անմիջապես գրավեն ուշադրությունը: Կայքերի ու գովազդների մեջ ճիշտ հոսք ստեղծելը շատ կարևոր է, որ մարդիկ հեշտությամբ ու հետաքրքրությամբ անցնեն բովանդակության միջով:

Բացի այդ, շարժումը կարող է փոխանցել գործողություն, էներգիա կամ հույզեր, ինչն էլ դիզայնը դարձնում է ավելի կենդանի ու գրավիչ: Երբ հոսքը լավ է կազմակերպված, այն օգնում է մարդկանց տեսնել դիզայնի բոլոր հատվածները:

Իհարկե, կարևոր է նաև պահպանել ճիշտ հավասարակշռություն շարժման և կայունության միջև, որպեսզի դիտողը չհոգնի:

6. Focal Points

Focal Point-ը, կամ կենտրոնական կետը դիզայնի այն հատվածն է, որը առավել մեծ ուշադրություն է գրավում:

Դա կոմպոզիցիայի այն հատվածն է, որը հիմնականում կենտրոնում է և ծառայում է որպես հիմնական ուշադրության կետ: Հստակ կենտրոնական կետի ստեղծումը կարևոր է դիտողի հայացքն ուղղորդելու և դիզայնի հաղորդագրությունը արդյունավետ փոխանցելու համար: Կենտրոնական կետ կարելի է ստեղծել տարբեր տեխնիկաների միջոցով, ինչպիսիք են հակադրող գույները, չափերի տարբերությունները և ստրատեգիկ տեղադրումը:

Օրինակ՝ առանձնացվող վերնագիրը կամ տպավորիչ պատկերը կարող է դառնալ դասավորության կենտրոնական կետը: Երբ կենտրոնական կետը որոշված է, դիզայնի մյուս էլեմենտները պետք է աջակցեն դրան՝ առանց ուշադրության շեղման: Կենտրոնական կետի շուրջ էլեմենտներ տեղադրելով՝ դուք կարող եք ստեղծել հավասարակշռություն և ուղղորդել դիտողին։

Շնորհակալություն, որ միացաք մեր դասընթացի 3-րդ օրվան։ Այսօր մենք ուսումնասիրեցինք դիզայնի սկզբունքներն ու կոմպոզիցիան, գործիքներ, որոնք ձեր դիզայնը պրոֆեսիենալ կդարձնի։ Այս սկզբունքները միասին աշխատում են՝ ստեղծելով հավասարակշռություն և կենտրոնացում։ Իսկ ձեզ հարկավոր է հաջողությամբ կատարել տնային առաջադրանքները և անցնել հաջորդ դասին։